Question & AnswerQ&A (QUEZON CITY ORDICE NO. SP-2455, S-2015)
Ang pangunahing layunin ng ordinansa ay i-translate o isalin sa wikang Filipino ang mga piling ordinansa ng Lungsod Quezon upang mas maintindihan ito ng mga mamamayan at mapalaganap ang paggamit ng wikang pambansa.
Ang Pangkat ng Serbisyong Pambatasan ng Tanggapan ng Kalihim ng Sangguniang Panlungsod ang inaatasang magsalin ng mga piling ordinansa sa wikang Filipino.
Dapat isalin ang mga piling ordinansa tuwing panahon ng ikalawang pagbasa ng iminumungkahing ordinansa kung ito ay iminungkahi ng Pangalawang Punong Lungsod o ng Punong Tagapangasiwa/Tagapatnubay, o kung iniutos ng Pangunahing May-akda ng ordinansa.
Dapat isumite ang huling salin sa Filipino kasama ang orihinal na bersyon sa Ingles sa Punong Lungsod para sa kanyang pirma, sa loob ng hindi hihigit sa 30 araw mula sa pagpirma ng Ingles na bersyon.
Ang salin sa Filipino ay dapat lamang ilathala kasama ng Ingles na bersyon kung hilingin ito ng Pangalawang Punong Lungsod o ng Pangunahing May-akda o mga pangunahing may-akda.
Nagsasagawa ang lungsod ng malawakang pagpapalaganap ng impormasyon gamit ang teknolohiya at iba pang mekanismong pangkomunikasyon upang itaguyod ang mga ordinansang isinalin sa Filipino.
Ang Pangkat ng Serbisyong Pambatasan, sa rekomendasyon ng Kalihim ng Sangguniang Panlungsod, ay sasailalim sa pagsasanay upang makakuha ng angkop na kahusayan sa tamang pagsasalin mula Ingles tungo sa Filipino.
Sa seksyon 7, nililinaw na ang sapat na halaga para sa pagpapatupad nito ay ilalaan sa taunang badyet ng Tanggapan ng Kalihim ng Sangguniang Panlungsod.
Kung may bahagi o seksyon ng ordinansa na mapawalang-bisa dahil labag sa Saligang-Batas, hindi ito makakaapekto sa iba pang bahagi o seksyon ng ordinansa.
Ayon sa seksyon 9, lahat ng mga ordinansa, resolusyon, utos, patakaran, regulasyon, o probisyon na salungat o hindi naaayon sa ordinansang ito ay pinawawalang-bisa o binabago.
Nagkabisa ito labing limang (15) araw pagkatapos ma-publish sa pahayagan na may pangkalahatang sirkulasyon, matapos ang pag-apruba noong Disyembre 1, 2015.